WhatsApp do të prezantojë një opsion të ri në përditësimin më të fundit, që do të përmirësojë në mënyrë domethënëse sigurinë e përdoruesve të tij.
Aplikacioni tejet popullor i mesazheve po punon për të inkorporuar biometrinë në opsionin e autentifikimit të pajisjes Android, që do të thotë se përdoruesit mund të mbrojnë mesazhet duke përdorur shenjat e gishtërinjve.
Ky funksion u zbulua fillimisht nga website WaBetaInfo, që përcjell vazhdimisht përditësime nga aplikacioni në pronësi të Facebook.
Nuk dihet se kur do të jetë i mundur për përdoruesit ky opsion i ri. Me gjasë kjo do të ndodhë në përditësimin e radhës v2.19.3 për përdoruesit e Android.
iPhone-t e Apple dhe smartphone-t Android që aktualisht e kanë autentifikimin me anë të përdorimit të shenjave të gishtërinjve, do të mund të mbrojnë llogarinë e WhatsApp nga çdo person tjetër, duke i detyruar këta të fundit që të identifikohen me shenjën e gishtit në mënyrë që mund të hapin aplikacionin.
