Ministrja Denaj inspekton bizneset tek Shkëmbi i Kavajës, një hotel i paregjistruar në tatime e QKB (FOTO)

20/07/2019 - 16:20

Ministrja e Financave dhe Ekonomisë, Anila Denaj, ishte sot në terren, në kuadër të zbatimit të masave të Planit Operacional në luftën kundër informalitetit. Ministrja inspektoi disa subjekte që operojnë në zonën e Shkëmbit të Kavajës, kryesisht në sektorin e hotelerisë.

Ministrja inspektoi një subjekt, i cili kishte rezultuar me probleme lidhur me zbatimin e ligjit, pasi nuk ishte regjistruar në QKB dhe në organet tatimore, ndërkohë të rezultonte i regjistruar si hotel në Booking.

Pasi subjekti u regjistrua në organet përkatëse dhe u pajis me NIPT, nga ana e administratës tatimore do të vijohet me zhbllokimin e aktivitetit.

Ministrja kërkoi nga të gjithë bizneset që të respektojnë rregullat dhe procedurat ligjore, ndërsa theksoi se regjistrimi i një biznesi duhet të ndodhë së pari në institucionet përkatëse shtetërore në vend, e jo në Booking, si mund të jetë rasti i një hoteli.

“Unë shpresoj që ju të paktën të kuptoni që kjo nuk është e qëllimshme, nuk është për të penguar punën tuaj.Përkundrazi, ne në momentin që ju u regjistruat dje po e zhbllokojmë menjëherë. Sot është e shtunë, i gjithë ekipi është duke punuar, të shtunë e të diel, dhe në këto situata ne jemi në ndihmën tuaj. Por është e pamundur që të regjistroheni më përpara në Booking përpara organeve administrative në Shqipëri dhe jo vetëm tatimore. Të gjithë regjistrimet janë të nevojshme”, u shpreh znj. Denaj.

Ministrja theksoi rëndësinë e regjistrimit të një biznesi jo vetëm në QKB dhe organet tatimore, por edhe respektimin e të gjithë rregullave të tjera që lidhen me funksionimin e një biznesi, si deklarimi i punonjësve, lidhja e kontratës së energjisë elektrike me OSHEE, si dhe e kontratës së furnizimit me ujë.

/portali DurresLajm/

Na bëni like në facebook!: 

Lajme nga e njëjta kategori

Ish-prokurorja e Përgjithshme e Përkohshme Arta Marku është një ndër shqiptarët e shumtë që është prekur nga tërmeti tragjik i 26 nëntori

Vazhdon shembja e objekteve në Durrës, të cilat janë vlerësuar nga grupi i ekspertëve me risk të lartë.

“Fundjave Ndryshe” ka vendosur që të mos i bashkojë paratë e mbledhura me fondet e Komitetit të Rindërtimit që drejtohet nga qeveria.

Ndërsa të gjithë inertet e krijuara nga shembja e pallateve dhe ndërtesave të dëmtuara nga tërmeti në Durrës do të depozitohen në Porto-R

Vendi ynë do të karakterizohet nga alternime kthjellimesh dhe vranësirash kalimtare që do të mbizotërojnë gjatë orëve të para të ditës, p

Qarku i Durrësit është qarku i tretë më i madh në Shqipëri pas Tiranës dhe Fierit ku jeton 10,1 % e popullsisë.

Disa ditë më parë në vizitën tek familja Lala, një ndër të prekurat më rëndë prej tërmetit, kryeministri Rama iu hakërrye kryebashkiakut

Presidenti francez, Emmanuel Macron, tha të mërkurën, pas takimit të NATO-s në Londër: “Ne kemi nevojë për një konferencë solidariteti pë

Kompania “Ventouris Ferries” vjen me një ofertë mjaft të favorshme për udhëtarët për periudhën 15 korrik-3 shtator 2020.

Më 5 dhjetor 2019, komanda e Forcës Detare në Plepa njoftoi se në kuadër të emergjencës civile të shkaktuar pas tërmetit, në Shqipëri mbë