Ky është personi që i shpëtoi 8 milionë euro Aeroportit të Kosovës

20/04/2018 - 10:32

Njëri ndër radarët e Aeroportit të Prishtinës është rregulluar për vetëm 80 euro, duke i shpëtuar kështu rreth 8 milionë euro aeroportit. Ersen Shileku tregoi për emisionin “Jeta në Kosovë” se si njëri ndër radarët e Aeroportit të Prishtinës qëlloi të prishej në kohën kur nuk kishte kontratë për mirëmbajtje por zyrtarë të ASHNA-s gjetën zgjidhje alternative.

Mjeshtri, i cili i ishte dërguar për modifikim pjesa e nevojshme për riparimin e radarit, Nagip Goga, ka rregulluar këtë pajisje për 80 – 82 euro duke i shpëtuar kështu 8 milionë euro Aeroportit të Prishtinës.

“Në telefon më kanë thirrur. Problemi ka qenë se pjesa rezervë që e kanë marrë prej Shqipërisë nuk ka qenë adekuate. Është një pllakë lidhëse, këtë pllakë e kemi ndërtuar. Unë nuk jam njohës i aviacionit, as i radarëve. Sa më kujtohet mua ka kushtuar diku nja 80- 82 euro”, tha Goga.

Zv. Drejtori në Agjencionin për Shërbime të Navigacionit Ajror, Ersen Shileku tregoi rreth problemeve që kishin atëherë me radarët.

“Problemi me radar vjen pas një ndërprerje e kontratës nga ana e furnizuesit me këtë projekt. Ne i kemi dy radarë, një primar, një sekondar. Ata e ndërprejnë kontratën për shkak të një borxhi… E kërkova nga departamenti teknik të shikojmë nëse ka nevojë të bëjmë kontraktim të ri për mirëmbajtje. Normalisht injorohet kërkesa ime, bëj prapë dhe nuk marr përgjigje. Më 30 dhjetor vjen deri te prishja e radarit sekondar. Kur nuk funksionon radari në këtë rast nuk ka ‘back-up’ po të dështojë edhe një pjesë tjetër”, shpjegon Shileku.

Kjo pajisje ka kushtuar rreth 8 milionë euro, shkruan gazetametro.net.

Ai tha se në mungesë të kësaj kontrate, pjesa e nevojshme për riparimin e radarit huazohet nga Shqipëria dhe e njëjta pjesë prapë duhet të modifikohet.

“Sipas të gjitha gjasave kanë komunikuar me Shqipërinë për ta huazuar një nyje rrotulluese dhe e sjellin në Kosovë dhe gjatë testimeve e shohin se nuk po i vjen taman dhe shkojnë e modifikojnë pak. Ndoshta për ta zgjidhur shpejt e shpejt”, tha Shileku. /gazetametro.net

/portali DurresLajm/

Na bëni like në facebook!: 

Lajme nga e njëjta kategori

Ministri i Jashtëm serb, Ivica Daçiç, është shprehur i sigurt se Kosova nuk do të pranohet në INTERPOL.

Zëvendësministri i Zhvillimit Rajonal në Kosovë, Musa Cena, është arrestuar ditën e djeshme.

Kryeministri i Kosovës, Ramush Haradinaj, është takuar me ambasadorin Nathan A.

Ministria e Punëve të Jashtme ka siguruar informacione zyrtare se tre shtetasit kosovarë, të cilët ishin pjesë e aksidentit zinxhir në Se

Deputetët e Kuvendit të Kosovës kanë votuar pro projektligjit të parë që transformon Ministrinë e FSK-së në Ministrinë e Mbrojtjen.

Kuvendi i Kosovës do të procedojë ligjin për shndërrimin e Forcës së Sigurisë së Kosovës në ushtri, por pa ia ndryshuar asaj emërtimin.

Dy beteja diplomatike dhe politike po zhvillohen aktualisht ndërmjet Prishtinës dhe Beogradit.

Vasfije Krasniqi-Goodman ka thyer një tabu në shoqërinë kosovare pasi është bërë gruaja e parë, viktimë e dhunës seksuale gjatë luftës së

Në Ministrinë e Punëve të Brendshme të Kosovës, Bejtush Gashi i ka dorëzuar detyrën e ministrit të ri në këtë detyrë, z.Ekrem Mustafa.

Presidenti i Kosovës, Hashim Thaçi, ka folur përsëri për idenë e tij për “korrigjim kufijsh” mes Kosovës e Serbisë, e cila po kundërshtoh