Punonjësit grevë në aeroportin e Prishtinës

21/08/2019 - 20:50

Punonjësit e Aeroportit Ndërkombëtar të Prishtinës, “Adem Jashari”, protestuan të mërkurën për herë të tretë me radhë duke kërkuar paga më të larta dhe kushte më të mira të punës. Kryetari i sindikatës së pavarur të punëtorëve të aeroportit, Bashkim Latifi tha se ata kanë pesë kërkesa drejtuar udhëheqjes së aeroportit.

”I kemi pesë kërkesa; e para është të na paguhet rrezikshmëria në vendin e punës, e dyta është të mos ketë dallime në paga për punonjës me përgjegjësi, licencë dhe orë të njëjta të punës, kërkesa e tretë është të na paguhet përvoja e punës, kërkesa e katërt është të na paguhen orët e fundjavës kur punojmë dhe e pesta është të na paguhet shujta”, tha zoti Latifi.

Si pasojë e grevës e cila zgjati gjashtë orë, disa fluturime janë anuluar ose vonuar dhe udhëtarët janë ankuar për vonesa e radhë të gjata.

“Kam katër orë që po pres në këtë aeroport, humba fluturimin tim për në Munih. Fluturimi im për në aeroportin John Kenedy po ashtu është i humbur, rrjedhimisht humba 1 mijë e 400 dollarë të biletës. Kjo është qesharake dhe nuk mund të besojë se gjërat funksionojnë kështu”, tha Gent Gashi, një nga udhëtarët në aeroport.

Por përfaqësues të aeroportit të Prishtinës, mohuan të ketë pasur vonesa apo anulime fluturimesh duke theksuar se udhëtarët janë njoftuar me kohë për grevën dhe ndikimet e mundshme të saj në fluturimet.

Aeroporti i Prishtinës është i vetmi aeroport për fluturime civile në Kosovë dhe shërben për rreth 1.7 milionë udhëtarë në vit./VOA

/portali DurresLajm/

Na bëni like në facebook!: 

Lajme nga e njëjta kategori

Zyra e Koordinatorit Nacional për Kulturë, Rini dhe Sport ka shpallur tender me vlerë 300 mijë euro për të furnizuar Zyrën e Kryeministri

Ditën e sotme, gazetarja e RTF-së, Ardita Sylejmani u nda nga jeta në Budapest të Hungarisë për shkak të disa komplikacioneve gjatë lindj

Gazetarja e RTK-së, Ardita Sylejmani, ka ndërruar jetë në Budapest të Hungarisë.

Kryeministri në detyrë i Kosovës, Ramush Haradinaj ka uruar Arba Kokalarin, shqiptaren e parë e cila u zgjodh dje zëvendëspresidente e Pa

Senatori amerikan, Chris Murphy, i cili vizitoi së fundi Prishtinën dhe Beogradin së bashku me senatorin tjetër, Ron Johnson, beson se pr

“Ambasadorja Vlora Çitaku në SHBA punoi për ndarjen e Kosovës”. Kështu deklaroi Haki Abazi, ish-anëtari i shoqërisë civile.

25 subjektet politike do të mësojnë sot për renditjen e tyre në fletëvotimin e zgjedhjeve të 6 tetorit në Kosovë.