Basha me gruan milionere, vjehrrin biznesmen e kunatin sekser

Postuar: 21/04/2017 - 08:10

Prej dy muajsh tashmë, çadra e Bashës mban peng jo vetëm vetingun, por edhe të ardhmen europiane të vendit.

Nga kjo çadër, dy herë në ditë Basha zotohet se me të marrë pushtetin në dorë, do t’i japë fund varfërisë, padrejtësisë dhe korrupsionit.

Ndonëse fitorja në zgjedhjet e 18 qershorit duket shumë e largët, Basha mund të ketë vërtet një “shkop magjik” në duart e tij, duke parë se si ka arritur të transformojë një familje të zakonshme shqiptare, atë të gruas së tij, në një familje super të kamur.

Aurela, “zonja e apartamenteve”
Bashkëshortja holandeze e Lulzim Bashës (ka dorëzuar pasaportën shqiptare në vitin 2004), Aurela Basha bie në sy për shitjen dhe blerjen e shumë pronave të paluajtshme gjatë viteve të fundit.

Përfituese e 51 mijë eurove në vit nga paga, Aurela është kujdesur për blerjen e apartamentit në Tiranë, një tjetri në Golem, për shitjen e një makine 45 mijë euro, për blerjen e një tjetre dhe qershia mbi tortë, për shitjen e shtëpisë së tyre të përbashkët në Holandë, me vlerë të deklaruar prej 251 mijë eurosh.

Vjehrri, bos i ndërtimit 
Xhafer Isufi, babai këtë herë 100% shqiptar dhe jo holandez i bashkëshortes së Bashës, u shndërrua papritur në një ndërtues të suksesshëm pallatesh pasi dhëndri i tij preku majat e pushtetit gjatë qeverisë së mëparshme.

Emri i Xhafer Isufit u bë i famshëm në vitin 2013, kur u mësua se kishte përfituar një leje për të ndërtuar buzë detit, në zonën e “Ujit të Ftohtë” në Vlorë, pallat i cili u prish pas ndërrimit të qeverisë.

Drejtori i Urbanistikës së Vlorës përfundoi pas hekurave për këtë aferë, por jo vjehrri i mbrojtur nga gjykatësit e sistemit.

Pavarësisht rotacionit politik, familja e Aurelës vazhdon të jetojë në luks dhe në fakt, Xhafer Isufi, së bashku me të birin, pra kunatin e Bashës, Erionin kanë regjistruar në QKR një biznes në vitin 2016, kompaninë e reklamave dhe ndërmjetësimit “BlackSheep”, me qendër te kompleksi rezidencial “Ambasador 3” në Tiranë.

Kunati, sekseri i Damir Fazlliçit
Erion Isufi, kunati i Lulzim Bashës, gjithashtu ka shfaqur një “talent” të jashtëzakonshëm për të përfituar tenderë pa garë gjatë kohës së burrit të motrës kryetar bashkie.

I tillë ishte edhe 80 milionëshi i dhuruar në janar 2013.

Megjithatë, Erioni, emri i të cilit figuron si ortak në disa kompani fantazmë të krijuara nga Damir Fazlliç, “goditjen” e jetës e bëri duke bashkëthemeluar një kompani të riciklimit të plehrave, një biznes që siguronte me miliona euro përfitime çdo vit nga ana e Bashkisë së Tiranës.

Ndonëse i kujdesshëm për të ruajtur një profil të ulët, Erioni nuk i ka shpëtuar dot vëmendjes mediatike me donacionet bujare që ka bërë gjatë fushatës së Partisë Demokratike dhe me mbështetjen që i bënte projektit të ish-kryebashkiakut për prishjen e Piramidës së Tiranës.

Vjehrra “piramidale” e Lulzim Bashës 
Pas gruas, vjehrrit dhe kunatit, në këtë histori duket se mungon vetëm vjehrra e kryetarit të opozitës.

Ndonëse e panjohur për publikun, ajo qëndron në zanafillën e pasurimit të familjes Isufi, pasuri e vënë përmes lidhjes familjare.

Në fakt, nëna e Aurelës është mbesa e Vehbi Alimuçës, bosit të VEFA-s që ka pasur një sërë investimesh edhe në Holandë.

/Marrë nga Lexo.al/

/portali DurresLajm/

Na bëni like në facebook!: 

Lajme nga e njëjta kategori

Njëri kandidat i PS-së dhe tjetri i LSI-së, por respekti mes tyre nuk i ka penguar që t’i urojnë suksese njëri-tjetrit për këto zgjedhje

Procesi i numërimit po vijon normalisht në qarkun e Beratit dhe pse me ritme të ngadalta.

UPDATE/ Ora 12:00

Të numëruara 92 QV nga 460 të tilla

Analisti Agron Gjekmarkaj shprehet se kreut të PD-së, Lulzim Basha disfatën në këto zgjedhje ia ka dhënë lista që ai i paraqiti

Shqipëria votoi më 25 qershor për zgjedhjet e përgjithshme Parlamentare dhe deri më tani janë numëruar mbi 38% të votave.

Ndërkohë që vijon procesi i numërimit, Partia Socialiste është ajo që udhëheq bindshëm jo vetëm në Durrës, por edhe thuajse në të gjithë

Ethet e numërimit kanë kapur drejtuesit e fushatave dhe kryesuesit e listave të Durrësit.

Teksa vijon numërimi i votave për zgjedhjet parlamentare, Partia Socialiste kryeson me diferencë të ndjeshme ndaj partive të tjera pothua

Kryeministri Edi Rama ka reaguar këtë mëngjes për herë të parë në lidhje me rezultatin e deritanishëm nga numërimi i votave për

Partia Socialiste është pranë një fitoreje historike dhe kjo mund të dallohet qartë pas numërimit të mbi 20% të votave.