"S'mund të jetojmë në Durrës", rrëfimi prekës i djalit të familjes Lala që humbi 8 të afërmit (VIDEO)

26/11/2020 - 13:33

Një vit pas tërmetit të 26 nëntorit të vitit 2019, familjarët kanë zhvilluar homazhe në vendin ku ngrihej objekti katër katësh i familjes Lala në Durrës, e cila ishte një ndër më të goditurat nga kjo tragjedi.

Plot 8 familjarë humbën jetën nën rrënojat e banesës së tyre dhe i vetmi që mundi të shpëtonte ishte 17-vjeçari asokohe, Ramë Lala, i cili u dërgua për kurim në Itali.

Sot, një vit nga ngjarja e rëndë, Blerim Lala, një nga djemtë e familjes që ishte në Itali në kohën që ra tërmeti shprehet se 2019 për ta ishte një vit i zi që nuk do ta harrojnë dot.

Mes lotëve, Lala tha se nuk do të kthehen më në qytetin e Durrësit, pasi aty kanë kujtime shumë të hidhura.

"Ka qenë një vit i trishtë, mundohemi ta harrojmë, por nuk mundemi dot ta harrojmë. Në Durrës nuk kthehemi, kemi kujtime shumë të hidhura, kujtojmë çdo gjë të fëmijëve, kudo që dalim, shohim shkollën e fëmijëve."

Më tej, ai ka treguar se 18-vjeçari i mbijetuar ka vazhduar jetën në Itali, e ndonëse gjendja e tij shëndetësore është e mire, Remë Lala vijon të ketë trauma.

"Nga gjendja shëndetësore është shumë mirë, ka trauma, nuk e kemi ngacmuar fëmijën, mundohemi që të mos t'ia përmendim asnjëherë."

I pranishëm në homazhe, kryetari i njësisë administrative nr.6, Serjan Mazrreku u shpreh se 26 nëntori do të jetë një ditë e zezë në çdo kohë për zonën.

"Kemi ardhur sot për të shprehur ngushëllime familjes Lala. Urojmë që t'ju japë Zoti forcë që të përballojnë këtë dhihmbje, këtë humbje kaq të madhe dhe të vazhdojnë përpara."

Lëkundja e fortë sizmike, me magnitude 6.4 e shkallër rihter arriti të shembte banesën katër katëshe në zonën e ish-Kënetës duke marrë me vete edhe 8 anëtarët e saj, mes të cilëve 4 fëmijë:

  • Ilir Lala (Ishte i paralizuar prej vitesh)
  • Marjeta Lala (Nëna e katër fëmijëve)
  • Emilio Lala 6 vjeç (Djali i Marjeta Lalës)
  • Enis dhe Dionisa lala (Binjakët e Marjeta Lalës)
  • Amelia Lala 9 vjeç (Vajza e Marjeta Lalës)
  • Griselda Lala 22 vjeç (Motra e Ramë Lalës)
  • Sadete lala 78 vjeç (gjyshja)

/portali DurresLajm/

Video: 
Na bëni like në facebook!: 

Lajme nga e njëjta kategori

Një ditë më parë emisioni “Stop” transmetoi dëshminë e vajzës së të ndjerës që ndërroi jetë nga Covid-19 në spitalin “Shefqet Ndroqi”.

Të tjera dëshmi vijnë nga familjarë të pacientëve që kanë humbur jetën për shkak të koronavirusit në spitalin “Shefqet Ndroqi”.

Ministrja e Shëndetësisë dhe Mbrojtjes Sociale, Ogerta Manastirliu ka ndarë lajmin e mirë në Facebook për një 10-vjeçar nga Burreli, i ci

Sanitarja e spitalit “Shefqet Ndroqi” Tire Alldervishi mori sot masën e sigurisë “arrest me burg”.

Emisioni “Stop” publikoi këtë të martë një rast skandaloz korrupsioni në spitalin Covid 2, ku punonjës të këtij spitali, bëjnë pazar me j

Dritani, 40 vjeç nga qyteti verior i Kukësit, qëndroi gjatë pas kangjellave të spitalit “Shefqet Ndroqi” më 14 dhjetor, në pritje të një

Petrit Haskasa, babai i Artendia Haskasas që humbi jetën tragjikisht në portin e Durrësit më 7 janar kërkon që ngjarja të zbardhet plotës

Ministrja e Arsimit, Evis Kushi ka përcjellë një videomesazh një ditë para rifillimit të mësimit nëpër shkolla.

Është ndarë nga jeta një emër i njohur i fushës së transportit ndërkombëtar, Ilir Mataj. Lajmin e hidhur e ka dhënë miku i tij, gazetari