Athinë, të shtëna pranë zyrës së PASOK-ut

Postuar: 06/11/2017 - 21:39

   Selia e partisë opozitare greke, Pasok, është sulmuar pasditen e sotme me armë zjarri në Athinë. Ngjarja ka ndodhur rreth orës 19:30, në rrugën “Harilao Trikupi”, numër 50, në kufijtë e lagjes Eskarqia.

Policë që ndodheshin të stacionuar pranë zyrave të subjektit politik njoftuan në radio se një person po u afrohej me duart e drejtuara dhe qëlloi 3-4 herë me një pistoletë, që nga hetimet ka rezultuar e tipit “Tokarev”.

Nga sulmi nuk raportohen persona të lënduar, ndërkohë që mësohet se agjentët nuk iu përgjigjën zjarrit të agresorit. Në vijim, personi në fjalë u largua nëpër rrugicat e lagjes Eskarqia dhe deri në orët e mbrëmjes nuk është bërë ende i mundur identifikimi i tij.

Autoritetet kanë deklaruar se bëhet fjalë për akt terrorist, ku të dyshuarit kryesorë janë celulat e mbetura të organziatave ekstremiste marksiste që operojnë në vend.

Akti terrorist është dënuar nga i gjithë spektri politik grek, me kryeministrin Aleksis Tsipras që e ka cilësuar “një akt të dënueshëm terrorist”, të porositur sipas tij nga fraksione që duan të provokojnë tension.

Vlen të përmendet se Pasok dhe partitë e tjera të qendrës së majtë kanë paralajmëruar bashkimin e tyre në ditët e ardhshme dhe zgjedhjen e një kryetari të përbashkët, që do të drejtojë qendrën e majtë në zgjedhjet e ardhshme parlamentare.

/portali DurresLajm/

Na bëni like në facebook!: 

Lajme nga e njëjta kategori

   Mundësia për të patur një diplomë nga ndonjë prej universitetet më të njohura Europiane është e paçmueshme.

   Ministri i Ekonomisë së Maqedonisë, Kreshnik Bekteshi tha se Maqedonia nuk ka marrë ende vendim nëse do të vendosë masë reciprociteti,

Delegacioni kosovar i kryesuar nga presidenti Hashim Thaçi është takuar me Përfaqësuesen e Lartë të BE-së, Federica Mogherini.

Një aksident tragjik ndodhi mëngjesin e së hënës në autostradën gjermane në Dunningen, i cili mori jetën e tre shtetasve kosovarë. Valon

Një tërmet me magnitudë 4.2 ballë i shkallës Rihter është regjistruar në orën 09.49 të mëngjesit të sotëm në Janinë, sipas vlerësimit par

Shefi i Grupit Parlamentar të partisë opozitare “Dveri”, në Kuvendin e  Serbisë, Boshko Obradoviq, tha sot se procesi i zgjidhjes së çësh

   Presidenti i Serbisë, Aleksander Vuçiç është takuar sot në Paris me homologun e tij francez, Emanuel Macron.

   Një tragjedi e vërtetë ka ndodhur për një familje britanike, e cila kishte zgjedhur Greqinë për të pushuar këtë vit, por teksa duhej t

Në kryeqytetin e Serbisë, në Beograd, është mbajtur konferenca për media e organizuar nga Nikola Sandulovuc, kryetar i Partisë Republikan