“Fizarmonika e Shpirtit” dhe përfshirja e të rinjve të UAMD-së në veprime qytetare

Postuar: 10/07/2018 - 10:14

Nën drejtimin e pedagoges Dr. Lindita Lutaj, Departamenti i Pedagogjisë në Fakultetin e Edukimit, organizoi në “Shtëpinë e të Moshuarve” në Kavajë aktivitetin me temë: “Qytetaria dhe përfshirja e të rinjve në veprime qytetare, domosdoshmëri për zhvillimet demokratike në vend”.

Veprimtaritë në ndihmë të shtresave në nevojë janë bërë traditë e përvitshme në UAMD. Aktiviteti përfshiu prezantime të punimeve shkencore të studentëve. Në prezantimet e tyre studentët trajtuan probleme si “Arsimi dhe globalizmi”, “Zhvillimi i edukimit qytetar në vendin tonë”, “Kurrikula e lëndës së edukatës shoqërore në Shqipëri”, “Realizimi i edukimit qytetar demokratik në Shqipëri”, etj. Në aktivitet morën pjesë rreth 130 studentë të Masterit Profesional “Arsim Fillor” dhe studentët e vitit të III-të dega Mësuesi për Arsim Parashkollor. Studentët shtruan një kokteil për të moshuarit dhe iu shpërndanë atyre pako me ndihma në veshje dhe ushqime.

Të rinjtë u munduan të krijojnë një mjedis të ngrohtë me qëllimin që të moshuarit të ndjeheshin të vlerësuar dhe të respektuar prej tyre. Të moshuarit u shprehën të lumtur nga prania e studentëve. Tingujt e fizarmonikës së një të moshuari të verbër ngjallën emocione të jashtëzakonshme te studentët.

Aktiviteti u përshëndet edhe nga përfaqësues të Bashkisë Kavajë, si dhe nga drejtori i shtëpisë së të moshuarve z. Fisnik Krasniqi, i cili falënderoi studentët për pjesëmarrjen në këtë aktivitet, për ndihmën dhe kontributin e tyre. “Këta të moshuar kanë nevojë për mbështetje, por mbi gjithshçka kanë nevojë shumë dashuri dhe ngrohtësi”, u shpreh ai.

Ky aktivitet nuk është i vetmi i këtij lloji që është ndërmarrë nga UAMD. Përveç sensibilizimit për të qenë pranë shtresave në nevojë, veprimtari të tilla shihen si një mundësi për përgatitjen e të rinjve për veprime qytetare, për pjesëmarrje aktive dhe kontribut në zhvillimet demokratike në vend.

/portali DurresLajm/

Na bëni like në facebook!: 

Lajme nga e njëjta kategori

Një nga rrugët e qytezës së Sukthit do të mbajë emrin "Syrja Hako".

   Në plazhin e Darzezës pushuesit nuk helmohen nga ushqimet, por rreziku vjen nga deti dhe ajri.

   Djathi me niseshte nuk është thjesht një mashtrim që na kushton para, por edhe shëndetin.

84-vjeçarja Klara Merlika ka rrëfyer në emisionin "Studio e Hapur" në News24, 45 vitet e saj në internim si dhe peripecitë që i është das

   Një nga plazhet që po i le të kënaqur pushuesit është ai i Tales në Lezhë.

Ish-trupa e estradës, regjisori Haxhi Rama artist i merituar, aktorët Aishe Stari, Roland Koca, artistë të merituar, janë mbledhur brenda

"Do e takoja sot në 11 të paraditës për të bërë humor e për të folur ashtu siç bëjmë ne, por Fadili na la."

Këtë të hënë, universiteti “Aleksandër Moisiu” Durrës (UAMD) nënshkroi një Marrëveshje Bashkëpunimi me qendrën “Gratë në shërbimin publik

Vetëvrasja është një nga fenomenet më të dhimbshme të shoqërisë dhe gjerësisht i përhapur.

Punonjësit shqiptarë kanë preferencat e tyre dhe nuk janë shumë indiferentë nëse kanë mbi krye një mashkull apo një femër.