E trishtë në Itali.
Një vajzë 12-vjeçare, me origjinë shqiptare, humbi jetën pasi u godit nga drurët mbajtës të shilarëses, që i ranë sipër ndërsa ajo po lozte.
Ngjarja tragjike ndodhi në provincën e L’Aquila-s rreth orës 18:00.
Në vendngjarje ka mbërritur urgjenca, por pa rezultat.
Fëmija fillimisht u dërgua në urgjencën në Avezzano, dhe më pas u transferua në spitalin San Salvatore në L’Aquila, por çdo përpjekje për shpëtim ishte e kotë.
Në vendngjarje u gjend edhe një infermiere e cila u përpoq ta sillte në jetë, megjithatë nuk mundi.
Për rastin ka nisur një hetim.
