Katie Price po thyen të gjitha rekordet me operacionet e shumta plastike që ka bërë në gjoks.
Përmes Instagramit, 46-vjeçarja ka zbuluar të premten, rezultatet e operacionit të 17-të, përmes disa fotove, ku shihet duke pozuar me një fustan të zi të ngushtë.
Edhe pse duket se është e kënaqur me gjoksin e saj edhe më të madh, ndjekësit e saj nuk janë dakord me atë që ajo po i bën trupit të saj.
Komentet në këto foto nuk ishin pozitive. Shumica e fansave i shkruanin se ajo po shkatërron veten dhe shëndetin e saj me të gjithë këto operacione.
Disa nga komentet në postimin e saj përfshinin: “Është qesharake ajo që po bën”. “Ti dukesh si gunga e Notre Dame me kokë poshtë”. “Duhet të filloni të kujdeseni për shëndetin tuaj fizik”.
Në deklaratat që kishte bërë pas operacionit të saj të 16-të, Price kishte theksuar se nuk i interesonte nëse njerëzit e konsideronin atë “të varur” nga operacioni, duke theksuar: Është zgjedhja ime dhe trupi im.
Price ka marrë referime të shumta nga mjekë të cilët kanë shprehur shqetësimin për shëndetin e saj. Duke iu referuar rastit të saj, një kirurg plastik, Ameer Khan, ka thënë për thënë OK Magazine në vitin 2022 se: Ka rreziqe që lidhen me anestezinë e përgjithshme të përsëritur. Sa më gjatë të ndodhë kjo, aq më shumë ka të ngjarë të ekspozohet trupi ndaj rreziqeve të rëndësishme që mund të përfshijnë edhe vdekjen. Rreziqet e tjera lidhen me vetë operacionin. Kirurgjia është një procedurë traumatike. Sa më shumë operacione të keni, aq më shumë plagë keni. E gjithë kjo mund të çojë në një ndërprerje të shkallës së shërimit të lëkurës dhe më pas gjërat mund të fillojnë të shkojnë keq .
