Mbi 200 dosje të objekteve të shpallura të pabanueshme në Durrës vazhdojnë t’i nënshtrohen hetimit të Prokurorisë dhe Task Forcës ngritur për përgjegjësitë njerëzore pas tërmetit të 26 nëntorit.
Burime nga prokuroria thanë për “DurrësLajm” që hetimet janë në proces pavarësisht vonesës së deri tanishme për shkak dhe të mbylljes së institucioneve ne fundvit, hetimet janë drejt finalizimit për të bërë dhe shoqërimin e grupit të radhës.
Ndërsa sipas grupit hetimor polici-prokurori mësohet se është urdhëruar sekuestro e dosjeve me lejet e ndërtimi, raporti i institutit sizmiologjik për këto ndërtime, raporti i kolaudimit nëse është respektuar apo jo leja e dhënë dhe parametrat teknikë për konstruksionin metalik dhe betonin.
Gjithashtu burimet konfirmojnë se 17 shoqërimet e bëra ditën e djeshme nuk kanë të bëjnë me shoqërimet për përgjegjësitë njerëzore pas tërmetit të 26 nëntorit, por janë në vazhdën e një tjetër misioni nga ana e prokurorisë.
Mësohet se edhe drejtueses së Prokurorisë Durrës Anita Jella, po ashtu i është dëmtuar apartamenti i saj në një prej ndërtimeve pas vitit 2000.
