TIRANE, 18 gusht 2013 – Ndërhyra për të ndaluar vrasjen e nënës. Babai ishte i dehur dhe nuk dinte se çfarë bënte”.
Kështu e nis rrëfimin e tij 23-vjeçari Emiljano Macalla, i cili dy ditë më parë ka parandaluar vrasjen e nënës së tij, pas zënkës së saj me bashkëshortin.
I riu pohon për “Gazeta Shqiptare” se nëna dhe babai i tij kanë pasur herë pas here konflikte me njëri-tjetrin.
Vetëm dy ditë më parë, në zonën e Poligrafikut është shënuar një tjetër skenë e dhunshme mes Shpëtim Ukut dhe ish-bashkëshortes së tij, e cila ka lindur pas një debati për motive xhelozie. 47-vjeçari pasi është kthyer i dehur në shtëpinë e tij, ka debatuar me ish-bashkëshorten dhe më pas debati ka degraduar deri në përdorimin e thikës, e cila ndodhej në tavolinën e bukës.
Por ka qenë ndërhyrja e 23-vjeçarit dhe ajo e policisë, që ka bërë të mundur parandalimin e krimit në familje.
Elvira Macalla prej afro një viti ka pasur urdhër mbrojtje nga gjykata, afati i të cilës kishte përfunduar ditët e fundit.
