Një burrë sulmoi një pastrues kur u kap në mes të një akti intim me një grua brenda tualetit me aftësi të kufizuara.
Ish-mekaniku i avionëve të ushtrisë Billy Dean Fallon, 28 vjeç, pranoi sulmin që kishte shkaktuar lëndime trupore në Gjykatën e Magjistraturës Southport në Queensland, Australi të hënën, 7 nëntor dhe i ka paguar viktimës 1500 Dollarë.
Incidenti ndodhi në klubin e natës Nightjar në Burleigh Heads në janar të këtij viti. Kamerat e sigurisë në gjykatë treguan 28-vjeçarin pa këmishë në tualetin që ishte për persona me aftësi të kufizuara duke gjuajtur me grushte pastruesin i cili kishte trokitur te dera rreth tre minuta.
Një grua doli nga tualeti duke mbajtur dy pije ndërsa shikonte Fallon duke rrahur pastruesin në anën tjetër të tualetit.
Pastruesi ngriti duart lart për të mbrojtur kokën ndërsa Fallon vazhdoi të gjuante majtas dhe djathtas në kafazin e kraharorit.
Fallon u tërhoq nga një roje sigurie, ndërsa pastruesi mbeti me hundë të thyer.
Fallon u dënua me 12 muaj burg, por iu dha lirim i menjëhershëm me kusht. Ai u urdhërua t’i paguante pastruesit 1500 Dollarë (844 £) si kompensim.
