Tre persona u gjetën të vdekur në qytetin anglez të Nottingham të martën në atë që policia e quajti një incident të madh.
Një 31-vjeçar u arrestua me dyshimin për vrasje, tha Policia e Nottinghamshire.
Policia u njoftua për një incident në rrugën Ilkeston pranë qendrës së qytetit herët të martën me orën lokale, ku dy persona u gjetën të vdekur.
Më pas oficerët u thirrën në një incident tjetër pak rrugë më poshtë, në Milton Street, ku një furgon u përpoq të shtypte tre persona. Më pas ata u shtruan në spital. Një burrë u gjet gjithashtu i vdekur në rrugën Magdala.
Policia tha se beson se të tre incidentet janë të lidhura.
Autoritetet reaguan ndaj incidentit “të tmerrshëm dhe tragjik” të martën.
