Një 36-vjeçare në Britaninë e Madhe ka humbur jetën 17 ditë pasi bëri operacion gjoksin. Louise Harvey, nënë e tre fëmijëve, dëshironte të përmirësonte pamjen e saj por vdiq pasi pësoi një mpiksje të gjakut në gjoks.
Ajo filloi të kishte komplikime të frymëmarrjes dhe u dërgua menjëherë në spitalin e Norwich, por ndërroi jetë disa orë më vonë. Lidhur me ngjarjen ka nisur një hetim i detajuar, për të kuptuar se çfarë nuk ka shkuar mirë gjatë operacionit.
Miqtë e saj kanë hapur një faqe për të mbledhur para për fëmijët e saj – Kayleigh-Anne, 18 vjeç, Owen, 11 dhe Jaxon, 6 vjeç.
"Ka qenë një tronditje për të gjithë ne, një nënë e bukur dhe e devotshme për tre fëmijët e saj është larguar prej nesh kaq herët, ajo kishte aq shumë për të jetuar", janë shprehur miqtë e saj.
