Durrës 15 shkurt 2014 – Gjatë dy viteve të fundit, kishte trafikuar në Itali 40 kilogramë lëndë narkotike kokainë, shkatërrohet në  Parma të Italisë, një bandë shqiptarësh. Arrestimet e 4 anëtarëve të fundit të bandës janë bërë gjatë ditës së sotme në operacionin e koduar “Vajzat”. Gjatë këtij aksioni është sekuestruar edhe një sasi prej 3 kilogramë kokainë.   Burime nga policia bëjnë me dije se të arrestuarit janë, shqiptarët, Armand Keçi, 37 vjeç rezident në Parma, Alket Ajdini, 30 vjeç, rezident në Parma si dhe dy të tjerë me inicialet: K. A, 33 vjeç rezident në Fontanella të Bergamos, D. D., 38 vjeç, rezident në Alseno, në provincën e Piaçenzas. Arrestimet e këtyre personave janë bërë nga skuadrat e lëvizshme të karabinierëve.   Hetimet ndaj kësaj bande të trafikut të kokainës kishin nisur në dhjetor të vitit 2012 nga seksioni i antidrogës në Parmës. Në atë kohë ishin arrestuar 4 persona, ndërsa një i pestë ishte larguar nga Italia.