Ministri i Brendshëm Taulant Balla njoftob se në kuadër të dy operacioneve “Sundimi i ligjit” dhe “Tempulli” janë arrestuar 40 persona në të gjithë vendin, bredna 48 orëve.
Balla shkruan se lufta kundër krimit po intensifikohet çdo ditë për personat që shpërndajnë lëndë narkotike, thyejnë me arrogancë ligjin duke mbajtur armë pa leje, apo që janë në kërkim kombëtar dhe ndërkombëtar.
Reagim i ministrit të Brendshëm Taulant Balla:
“SUNDIM I LIGJIT” 🔗 “TEMPULLI” 🚔👮♂️👮
40 PERSONA TË ARRESTUAR NË 48 ORË
Lufta kundër krimit po intensifikohet çdo ditë, me rezultate të mirëpritura, duke hyrë në një fazë tjetër kontrollesh dhe reagimesh parandaluese në mënyrë të dedikuar ndaj të gjithë ata që janë një bezdi për komunitetet, ata që shpërndajnë lëndë narkotike, ata që thyejnë me arrogancë ligjin duke mbajtur armë pa leje, ata që janë në kërkim kombëtar dhe ndërkombëtar, ata që përfshihen në vjedhje, etj.
Përgëzime Policisë së Shtetit në Tiranë, Durrës, Librazhd, Berat, Dibër, Lushnjë, Sarandë, Shkodër dhe Gjirokastër për këto rezultate. Rezultate të tjera sistematike presim në ditët në vijim, për të garantuar sundimin e plotë të ligjit në gjithë territorin e vendit.
