40,800 doza të vaksinës AstraZeneca kanë mbërritur sot në Shqipëri. Lajmi është bërë i ditur nga kryeministri Edi Rama, përmes një postimi në rrjetet sociale.

Sipas kryeministrit, në Shqipëri kanë mbërritur 899,550 vaksinat anti-Covid, ndërsa shprehet se në ditët në vijim do dtë mbërrijnë të tjera doza vaksinash.

Rama sqaron se dozat e mbërritura sot në vendin tonë janë pjesë e financimit të qeverisë shqiptare, nëpërmjet instrumentit COVAX.

Dy ditët e fundit në vendin tonë nuk janë shënuar viktima nga COVID-19, ndërsa i ulët ka qenë dhe numri i infektimeve.