Një 46-vjeçar i cili vuan nga kanceri, ka fituar një lotari që kap shifrën e 1.3 miliardë dollarëve.
Cheng Saephan, 46 vjeç, bleu biletën për shortin e 7 prillit në qytetin e Portland, në veriperëndim të shtetit Oregon. Ai zgjodhi t’i merrte fitimet e tij si një shumë totale prej 422 milionë dollarësh pas taksave, për t’i ndarë në mënyrë të barabartë me gruan dhe një mik.
“Tani mund të bekoj familjen time dhe të punësoj një mjek të mirë për veten time”, tha ai.
“Jeta ime ka ndryshuar,” i tha Saephan filialit të CBS KOIN, duke zbuluar se ai i ishte lutur Zotit për ndihmë.
Ai shtoi se tani donte të blinte një shtëpi familjare të ëndrrave dhe do të vazhdonte të luante Powerball.
“Unë mund të kem përsëri fat.”
Saephan, i cili i është nënshtruar kimioterapisë për tetë vitet e fundit, tha se ai, gruaja dhe shoku i tij ishin bashkuar për të blerë më shumë se 20 bileta Powerball për shortin e 7 prillit.
Ky ishte xhekpoti i katërt më i madh në historinë e Powerball, me më të madhin deri më tani që ishte 2.04 miliardë dollarë në vitin 2022.
Biletat e Powerball kushtojnë 2 dollarë secila dhe shiten në 45 shtete amerikane, në Distriktin e Kolumbisë, si dhe në Puerto Riko dhe Ishujt e Virgjër të SHBA-së.
