Një 46-vjeçar shqiptar ka humbur jetën në mënyrë tragjike në një aksident rrugor që ka ndodhur mbrëmjen e të dielës në Lamia.
Sipas policisë greke, në kilometrin 50 të Rrugës së Vjetër Lamia – Larissa, makina e drejtuar nga shtetasi 46-vjeçar shqiptar në rrethana të paqarta u përmbys dhe doli nga rruga.
46-vjeçari i pafat u dërgua në gjendje të rëndë në Qendrën Shëndetësore Sofãda, ku disa orë më vonë humbi jetën.
Mediat greke nuk japin identitetin e shqiptarit, por vetëm moshën.
Për shkaqet e aksidentit policia është ende në hetim dhe nuk bëhen të ditura detaje të mëtejshme.
Më herët u njoftua edhe për një shqiptare 38-vjeçare që humbi jetën në Breschia të Italisë në një aksident tragjik.
