Presidenti rus Vladimir Putin ka deklaruar në një dokumentar të regjisorit amerikan Oliver Stone, se ka shpëtuar nga disa tentativa-vrasjeje ndaj tij. Ky dokumentar do të transmetohet gjatë këtij muaji në një televizion kabllor në Amerikë.
Në dokumentarin me katër seri, të titulluar “Intervistat e Putinit”, regjisori Stone ka thënë se gjatë kësaj kohe ka dëgjuar për rreth pesë përpjekje të pasuksesshme për të vrarë Putinin.
Stone ka shtuar se “mënyra e parë e vrasjes” është gjithmonë “tentativa për t’u inkuadruar si pjesëtar i sigurisë së presidentit”.
Mirëpo Putin ka thënë se për të është thelbësore që të besojë në ekipin e tij të sigurisë.
Stone po ashtu i ka kërkuar Putinit që të bëjë të ditur se cili mendon që do të jetë fati i tij në të ardhmen.
“Vetëm Zoti e di fatin tonë – timin dhe tuajin”, ka deklaruar Putin.
