Me siguri keni dëgjuar se karrotat dhe frutat e perimet e tjera me ngjyrën e portokallit mbrojnë shikimin. Beta karoteni, një lloj i vitaminës A që u jep këtyre ushqimeve pigmentin portokalli, ndihmon retinën dhe pjesët e tjera të syve të funksionojnë siç duhet.
Por, përveç beta karotenit, vitamina dhe minerale të tjera janë të domosdoshme për shëndetin e syve. Përfshijini këto 5 ushqime në dietën tuaj për të mbrojtur shikimin.
Jeshillëqet
Perimet e gjelbërta janë të pasura me luteinë dhe zeaksantinë, antioksidues që ulin rrezikun e zhvillimit të degjenerimit makular dhe katarakteve.
Vezët
E verdha e vezës është burim kryesor i luteinës, zeaksanthinës dhe zinkut, që ndihmojnë gjithashtu në uljen e rrezikut të zhvillimit të degjenerimit makular.
Qitrot dhe manaferrat
Këto fruta janë një burim i mirë i vitaminës C, lëndë ushqyese e cila mund të ulë rrezikun e zhvilimitt ë degjenerimit makular dhe kataraktit.
Bajamet
Këto fruta të thata janë të pasura me vitaminë E, që ngadalëson degjenerimin makular. Një grusht me bajame siguron gjysmën e dozës së vitaminës E që duhet për një ditë.
Peshku i yndyrshëm
Peshku ton, salmoni, skumbri, trofta janë të pasura me DHA, një acid i yndyrshëm që gjendet tek retina, nivelet e ulëta të të cilit lidhen me sindromën e syrit të thatë. /Shëndeti.com.al/
