Kjo javë ka nisur për Italinë me numrin gjithnjë e në rritje të kurbës pandemike Covid-19 por dhe me një numër rekord pacientësh të shëruar.
Italia ka regjistruar në 24 orët e fundit 504 viktima e 27,354 të infektuar më shumë. Ndërsa numri i të infektuarve aktivë pozitivë është sot 717,784.
Gjithashtu janë regjistruar një numër mjaft i lartë pacientësh të shëruar. Janë 21,554 të shëruar më shumë se dje e numri i përgjithshëm i tyre që nga nisja e pandemisë ka arritur në 442, 364.
Numri i përgjithshëm i të infektuarve në Itali është sot 1,205,881, ndërsa i viktimave 45,733. Për ministrin italian të Shëndetësisë Roberto Speranza kjo javë është vendimtare për të përcaktuar nëse masat e regjimit të lockdown-ve territorialë po funksionojnë.
