Një 62-vjeçar është gjetur pa shenja jete pranë Pallatit të Sportit në Gjirokastër.
Dyshimet e para janë që se 62-vjeçari ka ndërruar jetë për shkaqe natyrale, pasi nuk janë vërejtur shenja dhune në trupin e tij.
“Më datë 26.12.2024, rreth orës 07:30, në shkallët e pallatit të sportit, në lagjen “18 Shtatori”, është gjetur pa shenja jete dhe pa shenja dhune, shtetasi A. L., 62 vjeç.
Nga veprimet e para hetimore dyshohet se ky shtetas e ka humbur jetën nga shkaqe natyrale”,-njofton polica.
Grupi hetimor po punon për sqarimin e rrethanave të rastit.
