Një 75-vjeçar është arrestua nga policia në Kukës pasi ka plagosur aksidentalisht fqinjin e tij 6-vjeçar.
Ngjarja ka ndodhur në fshatin Kodër Lumë, ndërsa i mituri ndodhet në spital.
“Në fshatin Kodër Lumë, shtetasi H. D., 75 vjeç dyshohet se aksidentalisht ka plagosur me armë gjahu çifte, një shtetas 6 vjeç (fqinji i tij), i cili ndodhet në spital, nën kujdesin e mjekëve.
Shërbimet e Policisë kanë kapur dhe shoqëruar në Komisariatin e Policisë Kukës, shtetasin H. D., për kryerjen e veprimeve procedurale,” njoftoi policia.
Arma e gjahut çifte është sekuestruar në cilësinë e provës materiale.
Grupi hetimor, nën drejtimin e Prokurorisë, po punon për sqarimin e rrethanave të ngjarjes.
