Patrullat e Policisë së Shtetit, në Tiranë, kanë ndaluar sot gratë shofere, por jo për ndonjë shkelje. Qëllimi ishte t’u uronin atyre 8 Marsin në një mënyrë disi më të veçantë. Efektivat e Policisë së Shtetit dhuruan sot buqeta me lule për gratë shofere, me rastin e Ditës Ndërkombëtare të Gruas. Gratë fillimisht janë shqetësuar për shkeljen që supozohej se kishin bërë, por më pas janë surprizuar nga një punonjës policie, i cili dilte nga makina e policisë më lule në duar për të uruar festën.