Partia Demokratike i bën thirrje kryeministrit Edi Rama të kthejë mbrapsh paketën antishpifje, si shansi i fundit për të mos nxirë më shumë imazhin ndërkombëtar të Shqipërisë.
Në një deklaratë për mediat, ish-deputetja e PD-së Albana Vokshi, theksoi se paketa antishpifje ka si qëllim heshtjen e mediave online për të mos publikuar aferat korruptive të Edi Ramës dhe familjes së tij.
“Këto janë orët e fundit që Edi Rama ka një shans për të mos nxirë edhe më shumë imazhin ndërkombëtar të Shqipërisë, si vendi ku media detyrohet me ligj të mbyllë gojën.
Paketa e censurës ka si qëllim heshtjen e mediave online për të mos publikuar aferat korruptive të Edi Ramës, të ministrave, oligarkëve me të cilët pasurohet dhe të familjes së tij, që kontrollon cdo interes ekonomik në Shqipëri”, u shpreh Vokshi ndër të tjera.
