Një mirëpritje ngrohtë, ashtu siç e meritojnë.
Aurel Lala dhe Alesio Cakoni rigjetën edhe njëherë ngrohtësinë që ta japin shokët dhe shoqet e klasës. Ata shkuan sot për herë të parë në shkollë që pas tragjedisë së 26 nëntorit. Kryeministri Edi Rama, ashtu siç iu kishte premtuar, i shoqëroi në shkollën “Ahmet Zogu” në Kamëz, duke iu dhënë edhe disa këshilla gjatë rrugës.
“Duhet të jeni kampionë në mësime. Ndonjë 9 tek-tuk mirë është mos me e pas po hajt më, 8 në asnjë mënyrë. Po morët 8 me mua e keni keq punën. Me 10 keni respekt dhe super vëmendje. Nuk do iu ndahem juve. Do iu ndjek hap pas hapi deri kur të mbaroni shkollën. Mos kujto se jam kaq i butë”, u tha kryeministri.
Kreu i qeverisë nuk la pas kritikat ndaj kryetarit të bashkisë së Kamzës Rakip Suli. Teksa ishte në hyrje të shkollës, kryeministri pa një gropë dhe i kërkoi Sulit ta rregullonte.
Edi Rama: O Rakip rregulloje këtë gropën.
Rakip Suli: Do ta rregullojmë
Edi Rama: Rregulloje, dera e shkollës me gropa.
Rakip Suli: Ka lënë shumë gropa ai.
Edi Rama: E di, po iku ai.
