Qyteti i Burrelit është vënë në panik mbrëmjen e sotme pas disa të shtënave me armë zjarri.
Bazuar në informacionet paraprake që komunikohen nga vendngjarja, mësohet se si pasojë e të shtënave një person ka mbetur i plagosur.
Ende nuk është bërë i ditur identiteti i të lënduarit, i cili raportohet të jetë në rrezik për jetën.
I plagosuri është dërguar në ambientet e Spitalit Rajonal të Burrelit nga një mjet privat ku ka marrë ndihmë e parë dhe më pas është nisur drejt Spitalit të Traumës në kryeqytet për trajtim më të specializuar.
Policia ka nisur hetimet për të kryer zbardhjen e plotë të rrethanave.
