Rikthehen lëkundjet e tërmetit në qytetin e Durrësit, Vorës dhe Tiranës. Sipas të dhënave nga IGJEUM, tërmeti ishte me magnitudë 3,8 ballë, i regjistruar në orën 03:24. Epiqendra është 30 km në veri të Durrësit, pranë Kepit të Rodonit, me thellësi 37 km. Qytetarë të shumtë i kanë ndjerë lëvizjet duke dëshmuar në rrjetet sociale se tërmeti ishte i fortë, mjaftueshëm për t’i zgjuar nga gjumi, por i shkurtër. Sizmiologët kanë paralajmëruar për pas-goditje me intensitet të vogël pas tërmetit të fortë që mund të zgjasin me javë të tëra.