Operatori i Shpërndarjes së Energjisë Elektrike ka reaguar pas shpërthimit të transformatorit të tensionit të lartë në autostradën Tiranë – Durrës ku mbetën të plagosur tre punëtorë.
OSHEE bën me dije se për shkak të punimeve të kompanisë “4AM”, me vendndodhje pranë COCA COLËS në autostradë, dy punëtorë të kësaj firme kanë shkurtuar distancën me linjën 110 kV të OST, çka ka shkaktuar masë.
Njoftimi i plotë
Për shkak të punimeve të kompanisë “4AM”, me vendndodhje pranë COCA COLËS në autostradë, ku dy punëtorë të kësaj firme kanë shkurtuar distancën me linjën 110 kV të OST, çka ka shkaktuar masë, ka mbetur për disa minuta i stakuar NST Kashar.
Ky defekt la pa energji bizneset përgjatë autostradës, zona e Kamzës, Vora dhe Mëzez.
Grupi i punës së avarisë së OSHEE mori masa për furnizimin menjëherë të nstacionit me linjën rezervë dhe aktualisht kanë marrë energji të gjithë zonat e lartpërmendura.
Aktualisht kemi stakuar për masë vetëm fiderin që furnizon me energji zonën pranë Coca Colës.
