Nëntetarja Zarife Hasanaj, Dëshmore e Atdheut, u përcoll sot me nderime për në banesën e fundit në Varrezat e Dëshmorëve.
Familjarë, të afërm e miq, por edhe personalitete të larta shtetërore i dhanë lamtumirën e fundit nëntetares që vdiq në krye të detyrës.
Arkivoli i mbuluar me flamurin kuq e zi që mban trupin e Dëshmores së Atdheut iu drejtua rreth orës 13:50 monumentit “Nënë Shqipëri”.
Zarife Hasanaj ndërroi jetë më 6 maj gjatë misionit të saj në Letoni, ku i shpërtheu një minë, ndërsa kanë mbetur të plagosur komandanti i kontigjentit, Major Klodian Nikolla Tanushi dhe Rreshter Julian Xhevat Kapaj.
