E çuditshme por është e vërtetë: nëse konsumoni shumë karrota, lëkura juaj mund të marrë ngjyrë portokalli.
Universiteti i Kalifornisë Santa Barbara ka dalë në këtë përfundim, dhe thotë se ky fenomen quhet karotenemia.
Ngjyrosja e lëkurës ndodh më shumë në pëllëmbën e dorës dhe në shputën e këmbës. Që të ndodhë kjo, duhet të hani shumë karrota gjatë ditës.
Në fakt, te bebet vihet re më shumë karotenemia, sidomos kur nisin të hanë ushqim të vërtetë dhe karrotat janë ushqimi klasik i bebeve.
Është e vështirë që ndryshimi i ngjyrës së lëkurës të ndodhë tek të rriturit, pasi beta-karoteni i karrotave shndërrohet në vitaminë A në organizëm.
Nëse ndodh që të ktheheni në portokalli, mjafton që të ulni konsumin e karrotës dhe gjithçka do të jetë si më parë.
