Rrëzim në punë, në shtëpi dhe nga… pija. Këto janë tre rastet e regjistruara në Durrës e Maminas në 24 orët e fundit, ku tre persona kanë përfunduar në spital për shkak se janë rrëzuar në mënyrë aksidentale.

Fatmirësisht, të tre personat e aksidentuar janë jashtë rrezikut për jetën. Ndërsa një punonjës në Porto Romano është aksidentuar gjatë punës, abuzimi me alkoolin për pak i ka kushtuar shumë një 45-vjeçar nga Durrësi, i cili në gjendje të dehur është rrëzuar dhe ka pasur nevojë për ndihmën e bluzave të bardha.

Njoftimi i policisë:

  1. Më datë 06.12.2018, në Porto Rromano, shtetasi Xh.B., vjeç 55, banues në Elbasan duke punuar, aksidentalisht është rrëzuar nga skela, i cili pasi mori ndihmë mjekësore në spital, u largua në banesë. Materialet u referuan në Prokurorinë pranë Gjykatës së Shkallës së Parë Durrës, për vlerësim. 
  2. Më datë 06.12.2018, shtetasi G.M., vjeç 45, banues në Durrës, është rrëzuar (në gjendje të dehur), i cili ndodhet në spital jashtë rrezikut për jetën. Materialet u referuan në Prokurorinë pranë Gjykatës së Shkallës së Parë Durrës, për vlerësim.
  3. Më  datë 06.12.2018, në fshatin Rubjekë, në banesë, shtetasja L.D., vjeçe 54, është rrëzuar aksidentalisht në afërsi të sobës zjarrit dhe është djegur, ndodhet në spital, jashtë rrezikut për jetën. Materialet i kaluan Prokurorisë pranë Gjykatës së Shkallës së Parë Durrës, për vlerësim.