Teksa protestuesit e zonës së Astirit kanë bllokuar rrugën dhe janë përplasur me forcat e policisë, Autoriteti Rrugor Shqiptar ka deklaruar se grupet e vlerësimit po vijojnë punën normalisht në objektet që pronarët e tyre kanë depozituar dokumtacionet.
"Grupet e inxhiniereve te ARRSH po vazhdojne normalisht procesin e vleresimit dhe matjeve te objekteve pronaret e te cileve kane depozituar dosjet pranë ketij institucioni ne funksion te procedurës se shpronesimit", njofton ARRSH.
Grupet e inxhinierëve të ARRSH-së po vijojnë normalisht në tre lotet e segmentit nga Pallati me Shigjeta – Rreth rrotullimi “Shqiponja”.
