Policia greke ka zbuluar në rrethinat e Selanikut një plantacion me 1.100 rrënjë kanabis. Në pranga ka përfunduar një shtetas sirian i cili u gjet aty, ndërkohë që policia po kërkon një shtetas grek dhe një shqiptar, të moshës 24 dhe 25 vjeç.
Të tre ata kishin krijuar një impiant të kompletuar të kultivimit të kanabisit. Fidanët ishin mjaft të zhvilluar dhe lartësia e tyre shkonte deri 3 metra.
Fare afër plantacionit ndodhej edhe një çadër ku strehoheshin tre kultivuesit. Policia sekuestroi gjithashtu një sasi kanabisi me peshë më shumë se 7 kilogramë.
