Regjistrohet viktima e radhës që humb jetën në plazhet shqiptare.
Shtetasi i identifikuar si Agur Isufi, 68 vjeç, ka ndërruar jetë këtë të diel te Shkëmbi i Kavajës.
Nga të dhënat, mësohet se viktima me origjinë nga Mallakastra, kishte ardhur pak ditë më parë nga Amerika me pushime në Durrës.
Sipas policisë, të ndjerit i ka rënë të fikët në breg të detit dhe rrugës për në spital ka ndërruar jetë.
Sakaq, policia ka shkuar në vendin e ngjarjes dhe ka nisur hetimet për zbardhjen e rrethanave.
Informacion paraprak i policisë:
Më datë 19.08.2018, rreth orës 12:15, në lagjen Nr.13 Plazh, te Shkëmbi i Kavajës, në breg të detit i ka rënë të fikët shtetasit A.I. 68 vjeç, i cili rrugës për në spital ka ndërruar jetë.
Nga hetimet paraprake dyshohet se i ka rënë infarkt.
Grupi hetimor po punon për sqarimin e rrethanave të ngjarjes.
