Një ngjarje e rëndë ka ndodhur në lagjen “Kolovicë” në Prishtinë. Burri ka qëlluar me armë zjarri ndaj bashkëshortes së tij dhe më pas veten.
Rastin e ka konfirmuar për mediet kosovare, zëdhënësja e policisë për Rajonin e Prishtinës, Flora Ahmeti.
“Rreth orës 12:30 kemi marrë informatë se në rrugën “Fitim Duraku” ka pasur të shtëna armësh. Sapo policia ka mbërritur në vendngjarje është gjetur një trup i pajetë i një burri, kurse gruaja që ka qenë e plagosur nga arma e zjarrit është nisur për në QKUK, por rrugës ka ndërruar jetë”, ka thënë Ahmeti.
