Janë identifikuar dhe arrestuar dy autorët e dyshuar të djegies së dy automjeteve në fshatin Bunavi të Vlorë, ndërsa penalisht në gjendje të lirë po ndiqet edhe një shtetas i tretë.
Në përfundim të veprimeve hetimore paraprake është kryer arrestimi i shtetasve Klemend Dautaj, 32 vjeç, Arsen Alimuçaj, 25 vjeç, banues në fshatin Babicë e Vogël, Vlorë.
Shtetasit e mësipërm për motive ende të paqarta dyshohen se kanë djegur automjetin "Ford-Fugon, në pronësi të shtetasit N.A., (babai Arsenit) dhe mjetin tip Volkswagen-Golf, në pronësi të shtetases R.D., (nëna e Klemendit), sqaron policia.
Gjithashtu, do të hetohet në gjendje të lirë shtetasi, N.A., 55 vjeç, banues në fshatin Babicë e Vogël pasi ka dhënë deklaratë të rreme përpara oficerit të policisë gjyqësore.
Vijon puna për zbardhjen dhe dokumentimin e plotë të kësaj ngjarje.
