Gjatë emisionit "Xing me Ermalin", është transmetuar një video speciale ku një djalë nga Durrësi me emrin Brenaldo, së bashku me Ermal Mamaqin, Eli Farën dhe bandën e Xing-ut ka shkuar për të propozuar për martesë partneren e tij, Xhulian.
Xhulia vjen me idenë se do bëjë një intervistë për të marrë pjesë te "Lufta e nuseve".
Eli, Ermali dhe banda e Xing-ut shkojnë drejt saj duke kënduar e duke e habitur Xhulian.
Pas tyre vjen Brenaldo i cili mban në duar një kuti me trëndafila dhe unazën.
"A dëshiron të martohesh me mua?", e pyeti Brenaldo Xhulian e cila ishte shumë e emocionuar.
"Oh Zot, faleminderit, po dridhem", tha Xhulia dhe përqafoi Brenaldon.
