Një grua e cila u përdhunua gjatë kohës që ishte e dehur, ia tregoi ngjarjen bashkëshortit të saj, por analiza e ADN-së zbuloi se autor i kësaj ngjarjeje kishte qenë pikërisht bashkëshorti i saj.
Çështja në fjalë shkoi në gjykatë dhe gjatë seancave u zbulua se çifti kishte patur një sherr, teksa ishin nisur për në shtëpinë e disa miqve të tyre. Për këtë arsye gruaja kishte dalë gjatë darkës dhe kishte pirë alkool në një lokal nate në Reading, Berkshire.
Bashkëshorti i saj kishte marrë një telefonatë dhe kishte shkuar për ta marrë. Ai e kishte gjetur gruan në një stol, të pa ndërgjegjshme.
Më pas e përdhunoi në shtëpinë e tyre, ndërkohë që fëmijët ishin në gjumë.
Duke qenë se ajo nuk kishte qenë e vetëdijshme për gjendjen e saj, veprimi i bashkëshortit u konsiderua përdhunim dhe ai u dënua me 7 vjet burg, shkruan e përditshmja “Sun”.
