Orinda dhe Turi i dhanë fund beqarisë më 7 korrik të këtij viti. Dasma e tyre ishte ndër më të komentuarat e showbiz-it dhe ndër më të bukurat gjithashtu.
Për “Tirana Post” bukuroshja e ekranit ka treguar disa nga qoshkat e shtëpisë së saj.
Ajo ka treguar se ka një ambient shumë të madh ndenjeje me një kënd super gjigand.
“Sepse gjithmonë kemi pasur të njëjtin problem në shtëpitë e prindërve apo edhe në shtëpitë e tjera ku kemi jetuar bashkë: Nuk qëndronim dot shtrirë nga i njëjti krah, sepse s’kishte hapësirë mjaftueshëm. Kështu që investuam në një divan të bollshëm dhe të rehatshëm për të mos goditur më njëri-tjetrin me shkelma”, ka thënë Orinda.
Ajo ka treguar se këndi i saj i preferuar është kuzhina, aty ku gatuan pjatat e shijshme për bashkëshortin e saj.
Por sa kohë iu desh atyre ta arredonin këtë shtëpi gjigande?
“Kam vetëm një këshillë: shtëpia juaj kushton 3-fish më shtrenjtë dhe kërkon më shumë kohë nëse merrni arkitekt. Më mirë se e bëni ju, nuk di e nuk e bën askush”, ka thënë moderatorja.
Dhe si gjithnjë ajo nuk ka ngurruar të flasë edhe për pjesëtarët e rinj që do t’i bekojnë në të ardhmen:
“Besoj që planet e Perëndisë nuk i ndryshon dot njeri, kështu që të dy duam shumë të kemi një familje të madhe. Uroj që të bekohemi”, ka përfunduar Orinda.
