6 mars 2015 – Shpeshherë në ambientin e punës duhet pasur kujdes me atë çka u tregojmë kolegëve të punës. Ka mjaft çështje të cilat do të ishin më mirë të mbeteshin private pasi po u thanë, nuk mund të kthehen më pas. Sekreti qëndron në kuptimin e çastit se kur duhet të përfundojmë, ndonëse diçka e tillë nuk është gjithnjë e thjeshtë për t’u kuptuar.
Një ekspert i revistës së njohur “Forbes”, ka renditur një listë prej disa faktesh që do të ishte mirë të mos i diskutonim në zyrë.
-Një prej tyre është se kujdesi i gjërave që themi me të tjerët nuk është kurrë i tepërt.
-Të thuash shpesh se e urren punën që bën është mëse e papranueshme. Kjo pasi një thënie e tillë ju nxjerr njerëz negativë, që nuk pëlqejnë të bashkëpunojnë dhe që punëdhënësit nuk do e mendonin dy herë përpara se t’i pushonin nga puna.
-Mos u tregoni të tjerëve që nuk dinë ta bëjnë punën e tyre. Njerëz të cilët nuk kanë shumë aftësi në punën që bëjnë ka kudo, por nuk është e këshillueshme t’i thuhet nga kolegët diçka e tillë, pasi më pas do të quheni të pasigurt që doni të ulni vlerat e të tjerëve për t’u dukur më të lartë.
-Tema të tjera që do të ishin të këshillueshme të evitoheshin janë bindjet politike dhe fetare. Biseda të tilla mund të shkatërronin harmoninë në zyrë kështu mundohuni vetëm të dëgjoni bindjet e të tjerëve pa debatuar.
-Përpiquni të mos thoni apo të mësoni sesa paguhen të tjerët, për të evituar më pas krahasime të papëlqyeshme.
-Një tjetër tematikë e cila nuk do të ishte e përshtashme për t’u diskutuar është edhe performanca juaj në dhomën e gjumit, pasi një informacion i tillë nuk i intereson askujt, edhe atyre personave të cilët ju dëgjojnë me vëmendje.
-Do të ishte mirë të evitohej edhe dëshira që ju mund të keni për të zënë pozicionin e një prej kolegëve, diçka e tillë nuk do të pritej mirë në radhët e kolegëve.
-Përpiquni të bëni kujdes me batutat apo ironitë që bëni me kolegët, pasi jo të gjithë mund t’i kuptojnë dhe do t’ju shkaktojnë probleme.
/S.L. agjencia e lajmeve "Dyrrah"/
