1 mars 2015 – Pas një kohe të gjatë që janë larguar nga tregu muzikor dyshja e famshme “Paola e Chiara”, biondja Chiara, ka vendosur që të provojë sërish famën në muzikë duke konkuruar në “The Voice of Italy”. Ajo ka çuditur të gjithë ndjekësit e emisionit dhe jurinë me pjesëmarrjen e saj si konkurente në këtë “talent show”. Ish biondja, (tashmë brune) ka sfiduar veten duke thënë se do të provojë edhe një herë të jetë e famshme në tregun e muzikës.
“Nëse është hera e fundit që bëj muzikë, do mundohem ta bëj sa më mirë”, thekson këngëtarja. Po këtë vit e njëjta gjë ka ndodhur dhe me këngëtaren Esmée Denters, e cila kohë më parë ka realizuar këngë shumë të sukseshme me Justin Timberlake, por për t’iu rikthyer famës së venitur vendos të konkurojë në “The Voice UK”.
