TIRANË 27 shtator 2014 – Në nisje të Kuvendit Kombëtar të Partisë Demokratike, zëdhënësja e PD-së Laura Vorpsi prezantoi pasuesen e saj. 
E kënaqur dhe e inkurajuar Vorpsi falënderoi kreun e PD-së Basha, duke thënë se tashmë ka pranuar një specializim pranë Bundestagut gjerman dhe për këtë arsye do t’i duhet të lërë foltoren e PD. 
Vorpsi prezantoi më pas si zëdhënësen e re Oriela Nebiajn, një figurë karizmatike nga bota e medias.
Largimi i Vorpsit nuk është përfundimtar. Nebiaj pritet ta zëvendësojë atë deri në përfundim të specializimit.
/BalkanWeb/