Tiranë, 25 shtator 2014- Efektivët e policisë së kryeqytetit kanë vënë në pranga një burrë, i akuzuar për tentativë vrasje.
Pak pas mesnatës së lënë pas u bë arrestimi në flagrancë i 47 vjeçarit Ilir Patoku, banues në Tiranë.
Patoku dyshohet se pas një konflikti ka tentuar të djegë në banesë me benzinë, bashkëshorten 41 vjeçare, duke i shkaktuar dëmtime trupore. Nuk dihen ende detajet e një ngjarje të tillë, ndërsa nga ana e uniformave blu vijojnë hetimet për hedhjen dritë mbi gjithë sa ka ndodhur.