Tiranë, 19 shtator– Mazhoranca kërkon shkarkimin e numrit dy të Këshillit të Lartë të Drejtësisë, Elvis Çefa. Mësohet se një grup prej 39 deputetësh kanë paraqitur pranë Kryetarit të Kuvendit, kërkesën për shkarkimin e anëtarëve të Këshillit të Lartë të Drejtësisë, Elvis Çefa dhe Lulzim Lelçaj. Meta ka vënë në dijeni Kuvendin, Çefën e Lelçajn për kërkesën e  dërguar në Komisionin e Ligjeve. Ndërkohë mbërritjen e kërkesës për shkarkimin e Çefës, e konfirmon edhe KLD-ja. Sipas KLD-së kërkesa bëhet me motivin ‘për shkelje në detyrë’. Në lidhje me kërkesën ka reaguar edhe vetë nënkryetari i KLD-së Elvis Çefa i cili shprehet se javën që vjen do të përgjigjet zyrtarisht. “Respektoj vizitën e Papës, s'dua të tërheq vëmendjen. Do shprehem zyrtarisht javën e ardhshme”, shprehet Çefa.