UEFA ka prezantuar sistemin e shpërndarjes së të ardhurave nga Liga e Kampioneve për klubet pjesëmarrëse. Secili nga klubet do të përfitojë 8.6 milionë euro për pjesëmarrjen në fazën në grupe, ndërsa skuadra fituese e edicionit, do të sigurojë 37.4 milionë euro, të cilave do t’u shtohen të ardhurat nga shitja e të drejtës televizive të finales. Në total, UEFA ka caktuar më shumë se 900 milionë euro si shifrën që do t’u shpërndahet klubeve, me 500 milionë euro si shumë fikse shpërblimesh, ndërsa rreth 410 milionë euro që do të jenë në varësi të të ardhurave nga transmetimi i ndeshjeve.