Në Rabiniçki Vrella në Mal të Zi mund të blihet një gram marihuanë me 3 euro, ndërsa vendaset për po atë shumë ofrojnë edhe shërbime seksuale. Sipas fjalëve të banorëve të periferisë së Podgoricës, në vendbanimin Konicë, legalizimi i marihuanës nuk është i nevojshëm, sepse është aq e përhapur shitja dhe konsumimi, sa që shitësit nuk ka nevojë të fshihen, shkruan gazeta “Blic” Serbi. “Këtu nuk ka polici dhe punohet në mënyrë joligjore, kam fëmijë dhe nuk i lë shpesh të dalin jashtë. Djalin të cilin e kam 13 vjeçar tashmë i kanë ofruar bashkëpunim”, thotë një banor i Konicës, i cili jeton në afërsi të kampit. Droga, siç thonë banorët, vjen nga Shqipëria dhe shitet në Podgoricë. Përveç drogës në Konicë është përhapur edhe prostitucioni. Edhe pse nuk duan të flasin shumë për të, megjithatë banorët thonë se edhe ky është një problem i cili vështirë se zgjidhet.