25 dhjetor 2013 – Një aksident me pasoja për jetën është shënuar pranë Kakavijës, ku një makinë në të cilën udhëtonte një familje shqiptare, ka dalë nga rruga dhe ka përfunduar në lumë. Aksidenti ka ndodhur në tokën greke, ndërsa mësohet se familja shqiptare ishte nisur drejt Shqipërisë, për festat e fundvitit.   Nga ky aksident ka gjetur vdekjen drejtuesi i mjetit, Besnik Brahimi, ndërsa ka mbetur e plagosur bashkëshortja e tij, fëmija i çiftit dhe vjehrra e viktimës. Paraprakisht dyshohet se shkak për aksidentin ka qenë përgjumja e drejtuesit të mjetit, gjatë orëve të natës.